dekabr

Sibir ne’matlari: qirqbo‘g‘im

Oddiy begona o'tdek ko'rinadigan, oyoq ostida o'suvchi bir o'simlik qanday qilib butun bir shifobaxsh kuchlar xazinasini o'zida yashirishi haqida bob...

Sibir – har bir giyohi o'z tarixini hikoya qiluvchi cheksiz yashil ummon. Bu ajoyibotlar orasida haqiqiy botanik g'aroyibotlar ham uchraydi – masalan, dala qirqbo'g'imi, kamtarin, ammo sirli "o'rmon dinozavri." Uning bo'g'imli poyalari million yillik sirlarni o'zida saqlaydi. U bilan yaqindan tanishishni taklif etamiz.

Dala qirqbo'g'imi (Equisetum arvense) – yer yuzidagi eng qadimgi o'simliklardan biri bo'lib, qadim zamonlardan beri saqlanib kelmoqda. Bu ko'p yillik o'tli o'simlik qirqbo'g'imdoshlar oilasiga mansub. Uni mo'jaz qarag'aylarni eslatuvchi o'ziga xos bo'g'imli poyalaridan osongina tanib olish mumkin. O'simlikning o'rmalovchi uzun ildizpoyasi bo'lib, qurg'oqchilikda ham omon qoladi, poyasi ikki xil: bahorgilari – pushtirang, shoxlanmaydi, bo'yi 25 sm gacha, yozgilari – yashil, shoxlangan, mevasiz, bo'yi 30–50 sm.

Qirqbo'g'im Rossiyaning deyarli hamma joyida uchraydi, cho'llar va Uzoq Shimoldan tashqari, o'rmon yalangliklari, daryo qirg'oqlari, jarliklar, qumli va nam tuproqlar, tashlandiq dalalar, o'tloqlar, yo'l chetlarini afzal ko'radi.

Tashqi ko'rinishi oddiy bo'lishiga qaramay, dala qirqbo'g'imi o'ziga xos shifobaxsh xususiyatlarga ega bo'lib, undan Avitsenna davridayoq foydalanilgan. Bugungi kunda o'simlik rasmiy tibbiyotda tan olingan va asosan siydik haydovchi, yallig'lanishga qarshi va umumiy quvvatlantiruvchi vosita sifatida qo'llaniladi.

Qirqbo'g'im shifobaxsh kuchining siri uning o'ziga xos tarkibida bo'lib, unda kremniy kislotasi alohida o'rin tutadi. U organik birikmalar bilan bog'langan eruvchan shaklda bo'lib, mohiyatan inson organizmida muhim rol o'ynaydigan kremniyning biologik mavjud shaklidir. Qirqbo'g'im tarkibidagi kremniy birikmalari, birinchi navbatda, biriktiruvchi to'qima tuzilishini saqlab qolish uchun zarur, shu sababli ularni salomatlikning haqiqiy me'mori deb atash mumkin. Ular kollagen ishlab chiqarishni rag'batlantiradi, suyak to'qimalarini mustahkamlaydi, bo'g'imlarning harakatchanligi uchun javobgardir, qon tomirlarining elastikligini va terining yoshligini saqlaydi. Kremniy, shuningdek, tabiiy detoks-agent sifatida ishlaydi, bu esa organizmga og'ir metallarni (ayniqsa, qo'rg'oshin va alyuminiyni) bog'lash va chiqarishga yordam beradi va buyraklarda tosh paydo bo'lishining oldini oladi. Kremniy immunitet himoyasi uchun ham zarur. Bularning barchasi qirqbo'g'imni organizmimiz uchun ajralmas yordamchiga aylantiradi.

O'simlik tarkibida antioksidant va yallig'lanishga qarshi xususiyatlarga ega bo'lgan flavonoidlar (kversetin, lyuteolin), saponinlar (siydik ajralishini kuchaytiradi va yo'talda yordam beradi), organik kislotalar (olma, akonit, glitserin), oshlovchi moddalar, C vitamini, minerallar (kaliy, kalsiy, magniy, temir) mavjud.

Bugungi kunda dala qirqbo'g'imi keng ta'sir doirasiga ega bo'lganligi uchun xalq tabobati va rasmiy tibbiyotda qo'llaniladi. Asosiy terapevtik xususiyatlari:

Siydik haydovchi – turli genezli shish sindromi (buyrak faoliyatining buzilishi, surunkali yurak yetishmovchiligi)ni kompleks davolashda qo'llaniladi.

Yallig'lanishga qarshi – siydik pufagi va siydik yo'llarining yallig'lanish jarayonlari (sistit, uretrit, prostatit)da samarali.

Antioksidant – qarishni sekinlashtiradi, tomirlarni himoya qiladi.

Qon to'xtatuvchi – bachadondan va gemorroidal qon ketishlarda qo'llaniladi.

Yara bitkazuvchi – jarohat, yara, yoriqlarning bitishini tezlashtiradi.

Umumiy mustahkamlovchi – immunitetni oshiradi, toksinlarni (shu jumladan qo'rg'oshinni) chiqaradi. Bu tabiiy kremniyning asosiy manbalaridan biridir.

Oddiylik va kuchli shifobaxsh xususiyatlarni o'zida mujassam etgan bunday o'simlik Siberian Wellness mahsulotlari tarkibiga kirishi ajablanarli emas.

Masalan, Yovvoyi giyohlardan fitochoy № 7 (Harakat yengilligi) Baikal Tea Collection (dala qirqbo'g'imi o'ti) seriyasidan.

Qirqbo'g'im, gulsapsar, brusnika va qora qorag'at asosidagi tabiiy giyohlar to'plami biriktiruvchi to'qimalarda suv-tuz muvozanatini normallashtiradi, tiklanishni tezlashtiradi va metabolizm mahsulotlarining salbiy ta'sirini kamaytiradi.
Tarkibdagi qirqbo'g'im yallig'lanishga qarshi ta'sir ko'rsatadi, bo'g'imlarning tuz cho'kmalaridan tozalanishiga yordam beradi, shishlarni yengishga ko'maklashadi.

Bu kamtargina o'simlik poyasida salomatlik uchun foydali bo'lgan butun bir "dorixona" yashiringanini bilarmidingiz?

Havolani ulashish :